之前因為出差, 忙於寫遊記, 今季的日劇初評還未寫完, 不知不覺已到了結局篇...
為了學好日語, 就算再忙, 日劇還是會繼續看, 感想還是會繼續寫, 只是可能會picky一點, 吸引力不夠的也許就盡早cut劇, 不會像以前連雞肋都夾硬捱...
文章雖然不會更新得那麼密, 但一定不會荒廢, 這是自己對做事的一種堅持, 絕不半途而廢...日文如是, 鋼琴如是, 布藝如是, 寫作是從小學開始的興趣, 不可能會放下不管的, 希望之後可以多分享一些開心事, 少說點不高興的, 發放正能量...
小回顧一下, 今季看完或應該會追到最後的有:
- ギルティ (中譯: 與惡魔契約的女人)
- Q10
- 黄金の豚
- Dr. トリトル (中譯: 獸醫杜立德)
看過但沒追下去的有:
- 流れ星 (中譯: 流星)
短評: 由於在日本時等看SMAPxSMAP的關係, 我都有看過幾集...愛情劇的一個要素, 是俊男美女, 竹野內無疑是帥, 但比較平面, 做model也許好看, 但在電視劇裡的吸引力不大, 即使之前的beach boys, 也沒有很吸引...上戶彩雖然擺脫了熱血少女的框框, 但表情仍然單調, 而且有點看膩了她...
唯一的可觀的是, 比起平日在SMAP裡面的被欺負樣子, 吾郎最近的奸角演出, 顯出演技的表現, 不論在電影或電視都大受好評, 實在可喜...
- フリーター、家を買う (中譯: 飛特族, 買個家)
首先, 主角所飾演的年青人, 正是我非常討厭的類型, 當你在現實生活中已經要面對這種人, 連看日劇都還要看的話無疑是自虐的行為, 受不了...再說, 男主角母親被鄰居欺負到有精神病, 可憐歸可憐, 歸根究底是太懦弱, 有點自作孽, 又是只會看到自己光火的橋段...為了精神健康著想, 我還是放棄比較好...
- 秘密
故事本來幾吸引, 可惜張力不強, 男女主角又不是太討好, 志田做大嬸的表現算不錯, 但到後期較有深度的情節, 卻演不出靈魂...
- ナサケの女 〜国税局査察官〜 (中譯: 仁慈之女)
這套跟同季的「黄金の豚」似乎常被拿來比較, 甚至有很多人覺得類型相似, 所以只會二選其一來追...我看過一兩集, 不吸引...兩者雖然都有搞笑的橋段, 我覺得「黄金の豚」是點到即止, 但這一套就偏向有點胡亂, 不合口味...
- SPEC 2
這套劇對主題的取捨有點顧此失彼, 如果從刑事劇的角度去看, 劇情太屈機, 但除了懸疑之外, 對於超能力的描述又只是蜻蜓點水, 感覺似是一件案件查到最後就發現是超能力人士在搞鬼的重覆劇情...不看沒損失...
因為上一套 Chase好好睇，所以乘著個名差不多就看了 ナサケの女 〜国税局査察官〜 的第一集，無聊到呢...好辛苦甘睇完第一集，之後立即cut劇！ 這幾年的日劇真是愈做愈無聊，一季不如一季...連木村的moon lover都寫成甘...都唔知睇乜好><
返信削除[版主回覆12/22/2010 08:21:00]今季的"Guilty"都算有驚喜, "獸醫杜立德"都比想像中好, 我追得完的四套裡面, 都睇得過ge, 但整體來說就不像之前一季可以追到六七套劇喇, 一來忙, 二來揀唔落手...不過, 近期來說, "Mother"都好出色喔, 所以日劇都還是有希望的...
你講既我全部睇晒，仲覺得唔錯添！其實今季日劇質數已經好返好多，雖然都有瑕疪覺不足，起碼多元化d！唔似下季，剩係得刑警Case，無乜邊套吸引，都唔知點算！
返信削除[版主回覆12/22/2010 08:29:00]其實今季係"guilty"最突出, 其餘有三套就算我會追到尾, 都唔係好outstanding, 只是不錯...以劇種來說是多, 但沒有很吸引...
不否認刑事和醫療劇是日劇的強項, 但每季都至少有一套, 其實橋段都很難再有甚麼突破, 寧缺勿濫, 希望電視台都可以好好考慮之後的發展去向...
perfect report我看到第三集便放棄。 剛把流星全部看完，freeter明天應該會完成。
返信削除[版主回覆12/22/2010 08:31:00]perfect report跟獸醫杜立德放在同一個時段, 我在日本出差的時候只能二選其一, 沒追三個星期, 回香港就無心補回去了...第一集雖然不差, 但沒有給我很大動力追下去...
其實流星和freeter零零碎碎地都看了一半有多, 不過都是口味問題, 時間有限之下就唔追喇...
其實宜家睇劇的心態已經唔同左，以前(5年前到)無得跟貼日本進度，通常都等全集出先有得睇，反而當年的劇好睇到3日KO一套，睇完意猶未盡，仲有失落感...宜家的劇有D係好出色，但硬係無左以前睇完的感動...或者我唔鐘意宜家的日劇走向掛，太過單元式，再唔係就進度好慢，好似新參者甘，好多人話好睇，但我就覺得進度太慢~ 最近LI兩季都係睇D得6-7集的小品，好似chase(睇chase其實係因為你的介紹，都未多謝你tim^^), 十年後依然愛你等...如果話令我睇得感動的，對上那齣已經係好幾年前的交響情人夢...
返信削除[版主回覆12/22/2010 15:42:00]近期的話, 最深印象和最喜歡的應該是"Mother", 連續劇已經是大加分, 每集的劇情都有推進, 也沒有埋了伏線之後虎頭蛇尾, 感動和能夠引發思考的故事, 出色的演員班底, 基本上挑不出甚麼缺點, 還要是原著劇本...遠少少的話, "沒有玫瑰的花店"都是讓人感動的作品...交響情人夢其實是強在原作漫畫, 當然電視台都有誠意去選角和取景, 所以取得不錯的回響...
我都有類似同感的是, 太多單元劇會讓人欠缺追看的動力, 好似睇又得唔睇又得, 今季都有差不多的情況, 我追得完的, 除了guilty, 都是單元劇, 連寫感想都不知從何說起(為自己的懶惰做藉口 :p)...
chase是精簡得來完整, 最初只是因為題材跟自己專業有少少關係才找來看, 否則這種冷門題材, 做得再好都難以吸引大眾注意...不用謝, 難得有知音是件值得開心的事, 也是我之後繼續寫日劇感想的動力喔...
今季我只看了《流星》，我覺得阿吾郎真係有驚喜，輕佻語氣同埋啲表情真係令我想打佢一身(aka…佢成功了…) 彩妹比起我之前的印象都好咗好多，我好怕佢之前啲熱血少女…必skip的…，今次讓我覺得佢真係在演戲囉… 豐哥就沒太大發揮…囧…(歲月不留人…佢確係佬了很多…靚仔度大減呢…) 睇完呢套我想睇番二宮套野…(突然很有興趣追番日劇…哈)
返信削除[版主回覆12/31/2010 11:00:00]之前日本等睇SMAPxSMAP的時候都有看過一d"流星", 吾朗做奸角原來好掂, 搞到我有d想睇"十三人の刺客"...
雖然彩妹你好左, 但唔知佢係咪太多劇, 睇到有d厭...
豐哥還是LV的時候型...呢套又要搞平民滄桑look, 無計啦, 其實他在BOSS裡都無跌watt ga...
二宮那一套我pass左, 已經日日要對住80後(雖然自己都係), 無謂睇日劇搞到自己皮質醇過高...