秋季日劇完結了一段時間，一直未能抽空寫感想，冬季日劇已經開播，再不寫小結，看來最後會不了了之…
不知從甚麼時候開始，很多視頻都看不到日劇，我又不太喜歡下載，一般都會線上看，暫時只找到沒有字幕版的視頻(若大家有好視頻介紹的話，還請多多指教)，所以今季看的日劇減少了…像大奧，如看但聽古代語很累…
今季本來想看的日劇就不多，結果從頭追到尾的只有priceless、結婚しない和悪夢ちゃん
Priceless追到後半差點追不下去，要不是有木村，恐怕要爛尾…故事的大綱本來還不錯，但細節上很多不太合理的地方…很多事情，都不是只憑熱誠就能成事，二蒂幾円一個保溫瓶，即使不至於沒有人買，但也不至於會大賣吧？主角雖被人陷害，工作沒了，又無家可歸，一夜之間彷彿一無所有，但後期無論開發任何business都能大賣，熱狗也好，保溫瓶也好，似乎又過份順利…
這次的演員班底，木村拓哉、香里奈和中井貴一都算是很強的組合，可惜劇本真的太不現實，幸好是這樣的角色由木村來演能把非現實感減低一點…
結婚しない是今季我最喜歡的日劇，內容除了談婚姻觀之外，還引出男女關係、與家人的關係、對生育的看法等等的話題，對大部份觀眾都會有共鳴…天海祐希在劇中的台詞我尤其喜歡，有機會的話，我希望從頭再看一次…
特別一提的是，玉木宏沒之前那麼瘦，加上劇中的角色討好，整件事變得很賞心悅目
悪夢ちゃん季前沒特別期望，意外地不錯，題材很新鮮…夢境內容倒是其次，解夢的過程以及透過悪夢ちゃん帶出女主角的過去的舖排很不錯…結局相對有點弱，某人的死沒有甚麼必要，死了也不一定能解決問題，把敵人描述得太強，結果利用逃避的方法去收尾，避得一次也避不了第二次，不太有說服力…
北川景子總算衝破了花瓶的框框，這次的角色挺有驚喜
很開心找到有同感的人，我也覺得無價得難看，我對木村的愛不夠，看到第五集就看不下去放棄了！
返信削除[Ka Bo Gabriella回覆01/12/2013 11:58:26]坦白講,空有演員自己突破,冇適合(更準確,係「食/hold得住」)佢嘅導演同編劇,結果都只會係失控,月戀第一集佢夠想轉型啦? 結果仲難睇...
我比較希望佢放棄日劇呢一塊,電影同舞台劇先至對演技突破有更大益處,畢竟日劇界應該冇乜hold得佢住嘅導演,有,都可能未必想同佢合作:p
尤其係舞台劇...
[鈴回覆01/11/2013 23:46:45]同意只有他才能演出這種味道，所以要突破還是突破他自己...
[版主回覆01/11/2013 23:37:24]個人是因為change裡面木村得知被深津出賣之後的一場痛苦到想哭的戲而開始留意他的演技…我覺得他演戲的時候很concentrate，有energy…的確，有些角色演出來的感覺相似，但角色的設定也有些其通之處，這些設定同樣是日本民眾對他的image，或是編劇導演們一有這種角色就覺得要找他，又或是編劇導演們認為找了木村就要把角色塑造成這個樣子…同意武士的一分是呈現了很不一樣的他，其實 i come with the rain也是，只是他的戲份不多…我知道他不是演技最好的一個，但我覺得有很多角色也只有他能演得到那種味道…
[Ka Bo Gabriella回覆01/11/2013 13:58:43]作為木村飯,當然要幫佢辯護一下啦
其實我好少叫人睇佢D戲(因為怕畀人話我偏心),但話佢演來演去都係一樣嘅,我通常會叫人睇空星同武士的一分,如果你睇完都仲覺得佢演嚟演去都一樣, 我冇野講
咬唇同笑呢D動作,其實佢已經減少咗好多,同呼吸一樣,你叫佢唔咬唇同叫佢唔呼吸一樣啫! HAHA, 佢點會唔在意, 幾年前武士的一分有人話佢咬唇呢個問題,佢仲猛咁話自己冇(可能你地覺得佢狡辯XD)
或者咁樣講,要佢再突破演第二類角色,唔係剩係佢本身,導演、編劇、甚至廣告商,觀眾都有關係...基本上我覺得日本人係邊鬧邊睇佢,所以嘛...佢停止再拍CX月九劇先講啦, 佢幫CX拍劇基本上同打工啫冇乜分別,CHANGE之後都冇心同CX拍劇,TBS就唔同,就算大家都多BUY嘅南極,佢都係用心好多...(佢今次喺WUS只係提新導演,當兩個舊導演冇到,我覺得都係一個訊息)
我從來都覺得佢演得「都係咁樣」,係因為日本人需要佢咁樣,日本人唔係幾當佢係演員,亦唔只係偶像(偶像都可以突破下),而係キムタク,呢4個字代表佢喺日劇界嘅角色...
以上desu.
[鈴回覆01/11/2013 13:38:38]我有看啊, 其實我是隱S團飯, 哈哈XDD
看SXS惡搞和做多拉馬很不一樣, 惡搞只要搞笑(例如反差夠大)就可以, 但多拉馬不可以只有搞笑...要令人有追看下去的動力...
自從hero之後, 不知道為什麼木村演來演去都是這樣子, 我覺得最主要的原因是他的小動作太多, 站的方式, 咬唇的動作差不多是每部劇都有...更令我失望的是, 大神對於無價的評語是, 不會理別人對他的評價(像演來演去都是這樣子), 達到導演的要求就是他的工作, 但想當然, 他今時今日的地位, 會有那位導演敢插他的演技...
[Ka Bo Gabriella回覆01/11/2013 10:47:19]to鈴
我想推薦木村近年的短劇,他最近在SXS扮搞笑藝人同加藤愛談戀愛,好睇過無價好多,希望唔會令你失望...
[版主回覆01/09/2013 22:30:02]我相信不會有太多人覺得好，但只看木村表演的話其實還不錯…
無價其實我覺得最妙的是日本那邊的評價~
返信削除我個BLOG COPY了幾條新聞LINK,全部都係讚劇本好,我真的暈了,反而2CH正常些少
頭5集覺得真係比月戀好好多,亦都比南極睇得舒服(南極係先天性原著歷史問題,我係幾介意話南極劇本爛嘅人~)不過自從變咗創業物語就真係XY&*@#, 當然話佢爛過月戀就有D唔公平,畢竟我覺得月戀真係爛無可爛(忍受唔倒每集性格分裂) 所以見到日本果邊D評價話木村終於番嚟喇! 平時唔鍾意睇木村劇但係都好ENJOY無價我就真係O嘴囉...
而且論發揮度,木村今次發揮空間好細,頂多係睇得舒服...(但係見大家都咁頂唔順暴走劇情,就知道木村唔係大晒,最少喺海外...但日本D感想真係好奇妙...)
至於又話佢接爛劇本,同埋咩等同爛劇的評論,我唔多講了~
不結婚,睇咗兩集放棄了,好多人有共鳴但不包括我,或者我受不了裝腔腔作勢地說教(而且總覺得浪費了天海),個人比較欣賞遲開的向日葵....
有機會真的要看看小惡夢,很多人說劇情意外有趣...
[Ka Bo Gabriella回覆01/12/2013 11:56:07]monsters我一直都相信小道,一定係有被腰斬的痕跡...
其實priceless的確係由創業物語開始崩壞(就算十集都講唔晒保溫瓶點大賣而變成一流企業,何況5集?!),不過一開始好多設定都好似係計時炸彈,處理不慎就會爆,結果都爆咗好幾個,可能因為我本身期待值唔高,一開始係比想像中好但覺得劇本有問題...結果就變成好大問題...
http://blog.udn.com/jessfongpk/7180440 (賣下廣告:p)
但係點都唔夠我對monsters失望,呢套所謂搵兇手主線其實先係最難頂,點可以集集都係時間差?! d兇手又咁死蠢... 都係唔踩喇...
[鈴回覆01/11/2013 23:49:05]我有睇完怪物喎，不過我都好難頂兩人的誇張演技，係叫有搵兇手這主線先頂得順...好在得八集，如果唔係我都睇佢唔完
[版主回覆01/11/2013 23:43:45]噢！monsters我追唔晒…我覺得priceless好過monsters wor…doctor x係唔錯，但也沒有很好，睇得幾過癮，但單元劇追少一兩集都無所謂，唔會特別期待想睇下一集…反而priceless開頭我係有想追的動力的，我覺得正面態度面對逆境呢個idea不錯，賣熱狗的時候都還可以…只是後來單靠一篇類似business week的報道，幾千蚊都有人爭住買保溫瓶實在是…我覺得如果話靠這個保溫瓶得設計大獎，讓店舖願意下訂單，再大量生產之後降低成本降低價錢，成件事我會比較接受…
[Ka Bo Gabriella回覆01/11/2013 00:09:43]我一直講笑話可能日本覺得只有木村適合開外掛
只接受佢一直一直開外掛
就算海外觀眾頂唔順都冇所謂
佢做一D大家認為都冇可能做到嘅熱血事,就會受落
或者佢自己當咗做ONE PIECE嚟拍XDD
反正我當咗佢係漫畫劇情之後其實順好多
(我想知道有冇人係頂得順月戀而頂唔順PRICELESS XDDD)
而且日本果邊都話佢係平成版寅次郎,真人版OP
可能並唔係過了天真的年齡
而係咁啱呢套劇嘅過份天真可以滿足倒日本人
(另類震後自我療傷XD)
btw木村越拍越白淨都係我追PRICELESS嘅動力之一:P
如果話覺得追完PRICELESS係對木村嘅愛夠深
咁睇得完MONSTERS應該係好愛香取慎吾同山下智久了:P
(呢套劇我都無力吐糟:P)
其實今季我係跟收視大隊睇完DOCTOR X
而且完全了解點解收視高,因為夠痛快
劇情老套都冇所謂,人物夠得意...睇完感覺好爽
仲有一套愛上蒼蠅女我都覺得好好睇
如果你得閒就可以睇下,6集短短地...
[版主回覆01/10/2013 23:37:19]不否認角色搵木村演係好合適，因為同樣是要靠個人魅力…月戀算吧啦，回想到現在我對當時自己可以追得完全套都覺得有d難以置信…爛劇本再加林小姐應該是宇宙上最趕客的組合…南極原著本來就適合拍電影多於電視，我不覺得原著有問題，只是要拿它當劇集是不太合適…priceless，我們都過了天真的年紀，單有熱誠過份超出現實還是難以接受…說到底，其實主角只是一個爛好人，平日都幾怕看這一類的內容，世界真有這些人也不見得會得到好的結局…
天海所說的剛好有很多是跟我的想法很相近，菅野的角色反而不太討好我，因為我對於那些不知道自己想怎麼樣的人的忍耐程度有限…