ページ

2011年2月7日月曜日

新春生活雜記

休息了幾天, 又回歸平日的生活...先祝大家兔年身體健康, 心想事成!


回顧一下這次的春節假期, 因為帶病在身, 休息為主, 沒有完成很多事情...


2011/2/2 (水)


年三十, 公司慷慨地放早...之前每次所謂早放, 都是收3:30pm, 這天竟然收12:30, 都算是皇恩浩蕩, 雖然我一直認為是有關同事不小心打錯notice :p...


難得可以放早幾小時, 我去了旺角逛十元店, 買了個小鉗子, 吃過午餐之後就回家...


回家之後, 埋頭刻印章 (作品稍後再作分享), 但傷風也同時爆發, 結果不斷包雲吞...春節期間, 中醫休息, 所以終於要屈服吃成藥...其實我已經停服西藥超過兩三年, 那天黃昏吃了一次, 睡前又吃了一次, 第二天醒來就好了, 快是快, 只是整個人都很累...


年三十, 要等澄太后下班回來一起晚飯, 所以等到差不多八點...打邊爐...吃飽之後, 把之前做了一半的口金盒拿出來縫, 不過口金只上了一半就去睡了...希望早點睡, 早點病好...


2011/2/3 (木)


年初一, 早上九點前就起床, 吃點東西, 把餘下的半個口金縫上...


隨意在網上搜尋電影, 竟然有當天才剛上映的"魔髮奇緣", 開來看看, 很不錯, 感想之後另文分享...看過電影, 差不多到了午飯時間...


因為下午有親戚來拜年, 爸爸拿了麻將出來, 於是我和澄太后就玩了一會...無錯, 是玩, 因為我不賭錢的, 也不想用腦, 純粹是打發一下時間...


澄太后連嬴了幾局, 後來她拿了iphone出來播SMAP, 我的手風竟然變順, 單吊都糊了幾局...



之後親戚來拜年, 跟表姐的仔仔玩了一會, 他才一歲半左右...我發現他很喜歡玩麻將和電話...


晚飯之後不久, 大家就散去了...我等到十一點, 立刻洗澡睡覺...


從前的年初一, 是媽媽煮大鑊飯, 今年媽媽不宜操勞, 終於要外食...也好, 不用執飯檯, 也不用盛飯盛湯盛到手軟, 早就應該外食啦...


2011/2/4 (金)


年初二, 爸媽一早就出發去廣西旅行...本來每年的初二都要去外公外婆家拜年, 今年不用了, 多了一天自由時間...


弄點手作, 看點日劇...下午跟澄太后出去window shopping, 也順道配了眼鏡...話說眼鏡戴了許多年, 前一陣子才突然發現藍色鏡框已經變成銀色, 一直懶, 也想找個人給意見, 拖到現在才去配...其實我不太喜歡驗眼, 因為那是告訴自己視力有多差的一個過程, 答不出眼前數字的感覺不太好......


在Paul Lafayette買了tiramisu, 極難吃, 蛋糕乾身沒有咖啡和酒香, 芝士部份只吃到cream味而沒有芝士和蛋香, 浪費$40...


走著走著, 突然聽到煙火的聲響, 才想起這天是放煙花的日子...我很怕人多的地方, 所以已經很多年沒有出去看煙花了...每年年初二都有既定的行程, 差點也忘了這天有煙花...我沒有擠過去海旁, 只是一邊走向巴士站, 經過時看了一會...


回家之前, 在citysuper買了之後兩天的糧草...


2011/2/5 (土)


這天澄太后外出, 我安靜在家練琴和做手作...


晚上約了舊同事, 飯後試了五代同糖...非常一般, 梳乎里弄得不太好, 還賣$38, 可以不用再去...


回家之後, 完成手作的首尾...


2011/2/6 (日)


澄太后開工, 我在家弄了一會兒手作, 看了SMAP的一個特輯, 富士電視台50週年日劇回顧, 三個半小時, 吃午餐, 然後看SMAP2010年演唱會DVD...可以做的事情還有很多, 但假期的最後一天, 很想休息, 於是放任地看SMAP...


黃昏時間, 開始準備晚餐...之前一天買了一些食材, 切了點芝士伴意大利火腿, 蕃茄芝士醬配菠菜芝士意大利雲吞, 然後切了意大利軟包和法蘭克福腸做咖哩芝士火鍋


吃飽之後, 繼續看SMAP...沒錯, 演唱會連製作片段等一共三隻DVD, 可以看足半天...


睡前, 記起這個新年假期的其中一件計劃要做的事, 砌nanoblock...不過砌了一半, 想起第二天又要早起, 收手留待第二天繼續...


3 件のコメント:

  1. 恭喜恭喜,兔年祝你身體健康心想事成啊(好似spam…哈哈哈) 你的新年節目都好豐富~
    [版主回覆02/07/2011 15:05:00]祝你兔年快樂, 萬事如意 ^.^
     
    其實這個新年都好hea, 只是雜亂地有的沒的寫一遍, 看上去好像很充實而已...

    返信削除
  2. 恭喜發財呀。 新年幾天假我都在不停地煲碟,^0^
    [版主回覆02/08/2011 08:39:00]恭喜發財, 祝財源廣進 ^.^
     
    煲左咩碟呀? 有無推介?

    返信削除
  3. 《午夜雄鷹》:典型扮西片嘅日本片,都OK啦。 《大盗五右衛門》:連日本片都好似大陸片咁要扮埋啲空有靚靚美指 但內容好難只得打打打嘅大片。 《猛鬼街》:舊年新年一次過煲哂舊作,今次睇新版。劇情了無新意 ,純粹追劇。當年真係覺得夢中殺人嘅橋好得。咁人要瞓覺架嘛。 《黃子華之嘩眾取竉》:有一兩段都幾好笑。佢話一般人响清明重陽 就攞住花去拜山,但林黛玉就去拜啲花!)......始終《兒童 不宜》最正。 ... ...《ALWAYS続・三丁目の夕日》:好好睇,好窩心嘅集體 回憶懷舊片。藥師丸博子同堤真一嘅演技冇得頂。堀北真希嘅青森腔 好搞笑。 《潛行兇間》:精彩,冇冷場,但又冇人人講到咁好喎。 《新少林寺》:冇冷場,但唔太禪。點解少林功夫呢次唔太勁呢?劉 華做得幾好。檸檬太外露太浮誇。最鍾意侯司令知道宋司令原來冇惡 意一幕。人總係記住他人對自己唔住嘅嘢,而忘記當日人家種種嘅好 。第二幕最正係侯司令死响佛掌上,算係最禪嘅一幕。 "Wall Street: Money Never Sleeps"......薑係老嘅辣,Michael Douglas滿面火車軌,但唯有佢最有壓場感。
    [版主回覆02/09/2011 08:39:00]真係煲得好勁下wor...
     
    《大盗五右衛門》之前都諗過睇, 但睇你comment唔係太吸引...
    《ALWAYS続・三丁目の夕日》, 我會考慮呢套...
    《猛鬼街》, 之前睇trailer覺得都幾恐怖咁, 不過我一向都唔太睇恐怖片, pass...
    《新少林寺》, 最初roadshow講到又有功夫又禪咁, 原來兩頭唔到岸ga?!  遲d有時間上網睇算...
    "Wall Street: Money Never Sleeps"...我對股市興趣太低, 由始至終都無諗過要睇呢套, 不過睇你d comment, 好似睇人多過睇劇情wor...

    返信削除